— 108 —
„Ia tida nanti pandang kaoe sebagi boedak dapoer, tetapi sebagi akoe poenja toendangan, dan kaloe ia hargaken persobatannja dengen akoe, nistjaja ia nanti hargaken djoega permintaänkoe.”
„Soekoerlah kaloe bisa djadi begitoe.”
„Tjoema ada satoe perkara jang akoe kwatirken, jaitoe Marsina nanti bikin halangan. Tetapi djikaloe akoe inget omongannja di itoe malem, di mana ia tawarken pertoeloengannia padakoe dengen moerah hati, nistjaja akoe tida haroes merasa kwatir, malahan akoe boleh harep dapet ia poenja pertoeloengan boeat boedjoek soeaminja.”
„Neng soeda dapet anggepan kllroe. Sabetoelnja Nji Marsina sendiri ada tjintaken Neng. Saja soeda dapet ini anggepan lantaran bebrapa kali ia poedji Neng poenja katjakepan di hadepan saja. Malahan ia soeda dapet anggepan djoega jang Neng poenja sering-sering dateng ka dapoer lastaran ada tergila-gila padanja.”
„Ach, tjilaka betoel," kata Soedarmo dengen menjesel dan maloe. Tapi toeh, Moerhaja, kaoe pertjaja jang akoe boekan kapingin lat parasnja Marsina, hanja ingin pandang parasmoe jang tjantik.”
„Itoelah saja pertjaja. Tetapi perkara bakal djadi laen kaloe Neng bri taoe itoe niatan pada Nji Marsina. la nanti boekan menoeloeng, malah menghalangken niat Neng.”
„Apa kaoe poenja pikiran tida salah Moerhaja?”
