— 109 —
„Brangkali tida salah.” Kadoea orang itoe diam berpikir sampe lama.
„Kliroe! djoesta.... terlaloe lantjang,” kata satoe soeara prampoean dari belakang pager, satoe soeara jang mengedjoelken sanget pada Soedarmo dan Moerbaja, hingga marika ini djadi berdiri dengen tida bisa bergerak. Soeara itoe poen soeda dateng dengen sakoenjoeng-koenjoeng. Tatkala Darmo dan Moerhaja menengok di tempat soeara itoe dateng, iaorang lantas dapet liat Marsina berdiri tida djaoe.
Kenapa Marsina sakoenjoeng koenloeng dateng di itoe tempat. Inilah soeda kadjadian lantaran itoe malem Marsina djoega kapingin bisa beromong-omong dengen Darmo. la soeda bangoen dan mengintip ka kamarnja Soedarmo. la llat itoe kamar soeda kosong. Ia teroes ka blakang dan dapetken dalem kamar baboe melinken tinggal baboe Saleha sendiri jang sedeng meringkoek, sedeng pintoe tida terkoniji dari dalem. Marsina moelai djadi bertjeket, dan dengen taro sangkahan djelek pada dirinja Moerbaja, ia laloe berdjalan terces ka kamar mandi, dari tempat mana ia dapet denger soeara orang bitjara. Lantas djoega Marsina dapet sangkaban, bahoea soeara tida laen dari soearanja Moerhaja dan Darmo. Dengen ikoetken datengnja itoe soeara, la sampe di pinggir kali. Marsina menanja pada diri sendiri, apakah jang kadoea orang itoe sedeng bitjaraken di waktoe tengah malem ? Ach! tentoelah tida laen dari perkara
