— 110 —
pertjintaän. Djadi kaloe begitoe Darmo tintaken djoega itoe koki? „Tapi apakah tida ternjata bahoea Darmo ada tjinta keras padakoe ?” Begitoelah Marsina menanja pada diri sendiri dan kasi djawaban itoe menoeroet la poenja doega-doegaẵn dalem hati. „Ach! maski begimana djoega akoeh moesti dapet taoe apa jang marika sedeng omongken,” kata Marsina achir-achir, dan sahabisnja kata begitoe, sambil mengempet pada gombolan poehoen-poehoen, Marsina laloe dateng menghampir-pirken dengen pelahan ka tempat dimana itoe doea anak moeda sedeng doedoek beromong-omong.
Seperti boemi ambles, begitoelah terasa oleh dirinja Marsina waktoe denger Darmo oetjapken Itoe perkataän baboea sabenarnja ia boekan bermaksoed aken beromong-omong sama Marsina kaloe saban saban ia dateng ka dapoer, banja meloeloe ingin pandang pada katjantikannja Moerhaja. Lebih lagi waktoe Darmo oetjapken itoe perkataan-perkataan jang menjataken tlintanja pada Moerhaja, ach! sama sadja seperti hatinja Marsina dilindes roda kreta api. Djadi boekan dirinja jang ditjintaken, djadi boekan katjantikannja jang Darmo ingin pandang, begitoe poen boekan kakajaännja jang Darmo kagoemken, hanja dirinja Moerhaja jang Darmo pandang begitoe tinggi. Marsina merasa maloe betoel pada dirioja, dan lantas djoega ia mane berlaloe dari itoe tempat oleh kerna tida
