— 115 —
kaloear dari ini roemah sedari ia moelai kerdja disini, apa lagi bitjara pada sembarang lelaki. Ia bisa pegang kahormatan. Itoelah sampe tjoekoep boeat dihargaken.”
„Tapi laen orang tida taoe atawa tida kenal Moerhaja laen dari satoe koki." kata Marsina.
„Ade Darmo nanti menikah boekan pada Moerhaja jang pande masak, jang bisa omong Blanda, jang poenja tingka lakoe baek dan jang parasnja tjantik, tetapi pada satoe kokinja toean Joesoef.”
„Lantaran begitoe nikahan tida bisa dibikin, kerna ajahkoe soeda kaloear kata, akoe tida boleh ambil istri jang tida berderadjat,” kata Darmo.
„Apa perloe sama itoe deradjat," kata lagi Joesoef. Deradjat itoe bisa dibikin kotor, bisa diiles-lles dengen tingka lakoe prampoean jang tida sasoenoeh.”
„Tapi perloe bagi matanja orang banjak,” bales kata Marsina.
„Lagi nikahan dimana moesti dibikin, sedeng Moerhaja tida ada poenja famille jang pantes,” kata lagi Darmo.
Sampe disini Joesoef baroe mengarti kemana maksoednja itoe omongan. Ia diam berpikir, sampe Marsina berkata lagi.
„Kita moesti toeloeng ade Darmo poenja kasoesahan sakali ini. Moerbaja soeda berkerdja disini dan tinggal disini. Biarlah ia tinggal teroes sam-
