— 117 —
XII.
DJALANNJA RATJOEN.
Lima hari kamoedian sasoedanja terboeka itoe resia pertjintaän, Moerhaja dapet sakit panas. Darmo itoe waktoe soeda poelang ka Batavia. Ia poelang dari sebab kerdjaännja soeda abis dan ia boeroe-boeroe katemoeken ajah-bondanja, lantaran kapingin ia poenja nikaban lekas diselesehken.
Tetapi sabelon ajahnja bisa ambil poetoesan kapan ia bisa dateng ka roemahnja Joesoef boeat atoerken lamarannja, dari Joesoef la trima kawat jang mengabarken Moerhaja poenja sakit. Itoe tengahari djoega ia laloe berangkat ka Bogor dan dapetken Moerhaja dalem keadaän jang tida kataoean sakit apa. Salaennja dapet batoek dan sakit peroet, Moerbaja tida rasaken laen-laen lagi. Samoea orang anggep Itoe penjakit tida berbahaja, tetapi maski begitoe roepanja Moerhaja ada poetjet sekali.
Marsina bikin hatinja Darmo tida berkwatir dengen kasi tjerita baboea sakitnja Moerhaja tida laen dari pada tekena (terganggoe iblis), maka doekoen laloe dipanggil dan sadekahan laloe disadjiken.
Joesoef djoega pertjaja Moerbaja poenja penjakit tida berat, tapi la merasa perloe boeat minta datengnja Darmo, sebab kaloe ada kadjadian apa-apa jang tida didoega, djadi Darmo bisa saksiken sendiri.
