— 120 —
djoega oleh Marsina, tjoema la tida kasi kentara. Koetika tjintanja dibikin koesoet oleh Moerhaja, Marsina djadi sakit hati, maka roepanja la maoe bikin pembalesan dengen ratjoenken gadis itoe. Begitoelah Saneah soeda kasi tjerita pada Ali.
„Bagoes,” kata, All. „Ini ada satoe djalan jang baek sekali boeat bikin itoe manoesia-manoesia hianat masoek dalem pendjara. Roepanja tangan Allah bikin djoega pembalesan pada iaorang. Kita poenja maksoed nanti kasampean djikaloe kaoe bisa kerdja dengen hati-hati.”
„Begimana akoe moesti bikin ?” tanja Saneah.
„Kaoe moesti kasi taoe dengen resia pada itoe djedjaka jang tjintaken Moerhaja. Soeroe ia semboeni di kamarnja itoe koki boeat liat bagimana itoe setan prampoean taro ratjoennja dalem aer obat lang maoe dikasi minoem pada Moerhaja. Laen barinja minta itoe djedjaka oendang satoe politie, dan ini orang politie djoega moesti semboeniken dirinja boeat dapet liat begimana Marsina taroken ratjoennja. Itoe waktoe djoega la boleh pergokin dan iloe obat jang diratjoenken lantas boleh diboeat boekti.”
„Kapan akoe moesti dateng lagi kamari ?” tanja Saneah.
„Tida perloe. Sekarang disini akoe boekan djadi orang gila lagi, hanja djadi pembantoe toekang
