— 123 —
itoe. Tida ada satoe apa jang Kisem bisa liat dari tingkanja Marsina jang bisa menoendjoeken itoe niatan memboenoe.
Di waktoe sore Darmo laloe dateng dan ia dapet liat sakitnja Moerhaja semingkin keras. Di atas pembaringan Moerhaja terletak dengen napas berat matanja tjelong dan saban-saban ia batok keras. Paras moekanja ada lebih poetjat dari kamaren, sedeng peroetnja la rasaken sem'ngkin tamba berat.
„Tida boleh tida," kata Darmo pada Marsina, „ini malem atawa besok pagi moesti panggil doktor.”
„Djangan terlaloe kwatir, ade,” memboedjoek Marsina dengen manis. Perkara penjakit begini doktor-doktor djarang jang bisa obatin, kabanjakan dikata cholera. Kaloe sampe Moerhaja dibawa ka barrak, tentoe bikin kita-orang djadi lebih soesah.”
„Itoelah tida boleh djadi,” membantah Darmo.
„Doktor bisa tade betoel satoe-satoe roepa pen'akit, tida seperti doekoen jang tjoema bisa kasi aer dingin.”
„Itoe begimana ade poenja rasa baek,” saboet Marsina achir-achir dan dalem hatinja pertjala itoe ratjoen tida nanti dapet diselidiki oleh doktor.
Sampe dlaoe malem baroe Darmo masoek tidoer, tetapi baroe sadja la maoe toetoep pintoe kamarnja, Kisem jang soeda meroenggoeken lama, sigra menobros masoek ka dalem kamar. {{nop}
