— 124 —
Darmo djadi bengong dan koetika ia maoe boeka soeara, Kisem tjepet kasi tanda toetoep moeloet. Dengen pelaban Kisem sendiri kontji pintoe dari dalem dan sasoedanja begitoe, ia laloe minta Darmo doedoek, sedeng ia ini masi tetep bisoe lantaran merasa heran apa jang Kisem mage bikin padanja atawa ada poenja maksoed apa dateng di kamarnia dengen resia.
„Saja ada bawa kabar perloe boeat Neng,” kata Kisem dengen soeara berbisik, hingga melinken Darmo sadja sendiri jang doedoek di pinggir pembaringan, deket Kisem berdiri, bisa denger itoe omongan. , Kaloe Neng tida toeroet saja poenja nasehat, tentoe lagi bebrapa hari djiwanja Moerhaja tida bisa katoeloengan. Neng taoe, Moerhaja soeda sakit kena diratjoenin.”
„Apa kaoe bilang ?" menegesin Darmo dengen terkedjoet. „Moerhaja diratjoenin? Siapa jang meraijoenin? Dari siapa kaoe dapet taoe ?”
„Bitjara pelaban Neng,” kata lagiKisem. „Saja perloeken katemoe sama Neng, lantaran soenggoe hati maoe toeloeng sama Moerhaja, maka Neng haroes pertjaja. Orang jang sabentar lagi taro ratjoennja di mangkok obatnja Moerhaja, jaitoe Njai Marsina."
„Itoe tida boleh djadi,” membantah Darmo. „Kaoe ini brangkali soeda gila. Apa sebabnja ia maoe ratjoenin Moerhaja?”
Kisem laloe toetoerken tentang ia poenja perte-
