— 125 —
moean pada Marsina, tatkala ia ini sedeng beromong-omong di roemah doekoen, dan tjeritaken lebih djace begimana Marsina itoe sabetoelnja ada satoe pramporan Jang berhati palsoe dan pande berpoera-poera boeat bales sakit hatinja.
„Saja tida minta Neng lantas pertjaja omongan saja, tapi sigra Neng nanti saksiken dengen mata sendiri begimana Marsina djalanken maksoednja. Sekarang kira-kira baroe poekoel doeabelas, sabentar lagi poekoel satoe Marsina nanti kasi makan boengkoesan jang ka-tiga. Neng bisa liat la kerdjaken itoe pemboenoeban.”
„Akoe maoe liat,” kata Darmo dengen bingoeng. „Tapi dengen tida kataoean oleh Njai Marsina.”
„Baek.”
„Nah, Neng toeroet saja.”
Darmo laloe ikoet Kisem .masoek ka kamarnja, jang berdamping dengen kamarnja baboe Saleha. Pada dingding djoeroesan medja, jang mengadepi depannja pembaringan, dimana Moerhaja ada terletak, telah dibikinin satoe lobang, tjoekoep besar aken orang bisa liat dengen njata ka dalem kamarnja Moerhaja. Disitoelah Darmo mengintip aken toenggoe begimana Marsina djalanken maksoednja.
Saperampat djam kamoedian, Darmo dapet denger grendel pintoe kamarnja Moerhaja dipoeter dari loear dengen pelahan, dan Marsina laloe
