— 127 —
Sabentar lagi Marsina kombali masoek dan kasi djilat bebrapa tetes minjak permen pada Moerhaja. Sedikit waktoe kamoedian, baroelah batoeknja Moerhaja moelai brenti, hingga ada 'tempo aken Marsina kasi minoem itoe obat di moeloetnja Moerbaja, tetapi ia tida sekali doega kaloe obatnja jang tadi soeda diambil dan jang itoe waktoe ia sodorken pada Moerhaja ada obat toelen.
Koetika liat isinja itoe mangkok soeda ditelen abis, parasnja Marsina kaliatan girang. Di itoe kamar jang diterangken oleh satoe lampoe pelita, Darmo bisa liat parasnja Marsina jang sabentar berobah manis dan sabentar berobah beibat. Waktoe menjataken la poenja sakit hati, paras itoe ada kasi liat kakedjeman sabagi iblis.
Darmo pertjaja sapenoehnja hati bahoea Marsina itoe ada dapet niatan keras aken binasaken djiwanja Moerhaja.
Kisem laloe bri taoe pada Darmo, bahoea itoe perkara Darmo tida bisa ceroes sendiri, hanja moesti minta pertoeloengannja politie. Blasanja sabentar, kira-kira poekoel lima pagi, Marsina nanti dateng lagi ka itoe kamar aken kasi minoem lagi itoe ratjoen, maka kaloe itoe waktoe politie bisa perloeken dateng, nistjaja ia bisa saksiken itoe perboeatan.
Darmo tida bitjara lebih banjak lagi, hanja teroes berlaloe dari itoe roemah aken tjari politie.
