Halaman ini tervalidasi
— 11 —
„Akoe pertjaja ada betoel. Disini ada ditoelis tanggalnja, dan kamariin soeda delapanblas taon. Banjaknja itoe harta ada f 50,000, tempatnja dipendem di satoe mesdjit roesak di Mangga Doea dekat djalanan kreta api. Tjoba kaoe denger akoe batja ini soerat:
- „Allahoeakbar!
- „„Kami sediaken satoe harta f 50,000 di bawah satoe batoe pesegi jang doeloe ada mendjadi kami poenja tempat doedoek. Batoe ini ada lima langkah djaoenja dari satoe soemoer, sabelah kanan dari koeboerannja. Said Alhabsi. Pindaken ini batoe dan gali tanah satoe kaki, lantas kaoe dapetken satoe peti dari kajoe sawo item. Pernahnja mesdjit, dimana kami tanem ini harta, ada di Mangga Doea, sabelah kiri dari djalanan kreta api. Disitoelah kaoe moesti bersoedjoet pada kaoe poenja ajah jang doeloe mendjalanken pakerdjaan pendita.””
„Ini orang tentoe ada bitjara dalem testament pada ia poenja ‘anak,” berkata lagi Joesoef sahabisnja batja itoe soerat, „tapi siapakah anaknja?”
„Djangan kata taoe siapa anaknja, orangnja jang menoelis djoega saja tida taoe,” sahoet Ali.
„Kaloe begitoe, kaoe tra’oesah banjak pikir, ini malem kaoe pergi sendiri ka itoe tempat dan gaib itoe harta djangan kasi taoe laen manoesia. £50,000. ada tloekoep banjak boeat kaoe idoep senang.“
