— 128 —
XIII.
DATENGNJA PEMBALESAN.
Bedoek di Langgar-langgar soeda ditaboeh, mengoetaraken bahoea itoelah ada waktoenja aken orang-orang Moeslimin sembajang fadjar. Soeara berkroejoeknja ajam-ajam ada kadengeran saling samboet sampe ka tempat-tempat djaoe, menandaken datengoja waktoe siang mengganti malem. Belon lama lotjeng di pertengahan mengoetaraken djam 5, pada waktoe mana Marsina soeda, lama boeka matanja. Ia tida bangoen dari pembaringan, tetapi djoega tida meremken lagi matanja. Roepanja ada satoe hal jang penting sekali aken ia kerdjaken ia poenja saingan sekarang soeda menggletak saperampat mati, djalannja ia poenja ratjoen soeda kasi njata bahoea maksoednja aken kasampean. Lagi ampat boengkoes, nistjaja sampoernalah kerdjaännja itoe, dan ia nanti liat Moerhaja soeda djadi bangke, serta Darmo djadi gila lantaran tida katemoe lagi dengen katjintaännja itoe. Kaloe soeda djadi begitoe, poewaslah hatinja membales itoe maloe dan sakit hati.. Ja, itoe maloe jang ia tida bisa loepa. Dan djoega itoe sakit hati jang katjintaännja diambil. Pengrasaän boeat ini doea perkara, tida sasaät melek jang Marsina bisa loepaken, hingga sasoedanja inget-inget lagi hal itoe di atas pembaringan, Marsina poenja napsoe memboenoeh djadi dateng kombali dengen keras. Ia
