— 130 —
sasoedanja wedana tadi minta katerangan dari Darmo tentang lantaran-lantarannja hingga Marsina nlat ratjoenken Moerbaja. Apa jang diterangken oleh Darmo, Sarkisem dan Moerhaja, ada ditoelis oleh wedana, dan sekarang ia melinken mace saksiken sendiri begimana Marsina lakoeken kerdjaännja itoe, kamoedian aken djalanken la poenja kwadjiban sebagimana moestinja. la poenja doea pengikoet ada toenggoe di loear kamar pada satoe podjokan gelap, aken bersedia djikaloe ada prenta apa-apa.
Sasoedanja bikin pembitjaraän begitoe, iaorang menoenggoe lagi sedikit waktoe sampe kamoedian ada kadengeran grendelan pintoe kamarnja Marsina dipoeter dan soeara tindakan mendatengin. Iaorang tjepet semboeniken diri di kamarnja Sarkisem, sedeng Moerhaja belaga rebahken kombali dirinja sebagi orang sakit pajah.
Koetika sampe dalem kamar, Marsina lantas singkap klamboenja Moerhaja, dan gojang badannja gadis ini. Ia tanja begimana Moerhaja rasaken sasoedanja makan itoe obat. Moerhaja tida sahoetken, hanja batoek dan batoek lagi. Ia bikin seperti djoega penjakitnja semingkin bertamba berat, hal mana ada menggirangken sanget pada Marsina.
„Allah, saja mati, NjI,” menjeboet Moerhaja dengen soeara serak.
„Djangan kata begitoe, Moerhaja,” sahoet Mar-
