— 132 —
„Djahanam besar, boedak hina,” menjatji Marsina sambil toedingken tangannja di moeka Moerhaja, „brani kaoe kaloearken perkataän begitoe? Brankkaoe menoedoeh akoe meratjoenken.... ?”
„Memang ada jang liat kaoe minta ratjoen di roemah hadji Doerham. Ada orang liat kaoe toewangken itoe boeboek ratjoen dalem obat....”
„Djangan bitjara banjak, andjing. Apa kaoe tida rasa kaoe poenja salah?”
„Siapa salah? Prampoean tebel ?” kata lagi Moerhaja dengen sengit. la tida inget takoet lagi, ia tida pikir lagi jang ia sedeng sakit.
„Tebel? Kaoe tebel. Siapa berdjina di Ini roemah? Djahanam besar, jang siapa soeda brani maengila dengen akoe poenja tetamoe?”
„Tetapi tetamoe itoe soeka sama akoe, tida soedi pada kaoe......”
Marsina tida bisa denger itoe perkataän jang amat menghinaken padanja, dan sasoeda saling sahoet lagi, la laloe hampirken Moerbaja dan dengen doea tangannja, ia menjekek lehernja gadis itoe. Saleha tjepet toeloeng anaknja, sedeng dari pintoe laloe masoek merobos Soedarmo, wedana dan Sarkisem. Doea orang lelaki itoe sigra ringkoes Marsina jang teroes berontak-rontak dengen klakoean edan dan moeloet memaki kalang-kaboet, sampe perloe dibantoe oleh oppasnja wedana. Orang saisi roemah djadi bangoen.
„Astaga!” berseroe Joesoef dari dalem. „Apakah soeda djadi begini riboet ?”
