— 139 —
Moerhaja jang sakitnja djadi lebih berat sedikit lantaran terbitnja itoe kadjadian. Joesoef berangkat poelang ka Tilmangis dengen autonja sambil berdjandji pada All bahoea sabentar lagi ia aken balik dengen bawa cheque f 50.000 jang All nanti boleh trima oewangnja di Bank.
Waktoe maoe berangkat Joesoef bitjara banjak sekali dengen All, sebagi djoega doea orang itoe soeda djadi bersobat. Joesoef tjeritaken la poenja kagilaän pada Marsina, la poenja kagelapan pikiran, ia poenja kahilapan boeat perkara jang kliroe. Samoea itoe ada djadi satoe penjeselan. la kapingin tida ada penjeselan lagi dalem saoemoer idoepnja, ia kapingin tida terganggoe lagi pikirannja dengen itoe rasa-rasa takoet pada pembalesan, maka sekarang la maoe teboes dosanja itoe dengen bajar kombali haknja Ali.
Boleh djadi itoe oewang f 50,000 soeda abis dipake oleh Marsina, dan sabagian lagi soeda dibikinken barang permata, tetapi Joesoef maoe ganti f 50,000 oewang contant, sedeng itoe pakean permata jang Marsina tida boleh ambil barang satoe potong tatkala dibawa pergi ka kantoor politie, Joesoef hadiaken boeat Moerhala. Itoe roemah jang Joesoef soeda beli f 8000, ia dermaken boeat Ali bersama sekalian prabotannja. Dengen berboeat begitoe ia harep Ali djadi la poenja soba baek. All trima itoe dengen atoerken trima kasi.
