— 150 —
har sajoeran dari pada dabar daging. la belon perna doedoek kahar, maskipoen pergi ka tempat-tempat djaoe. la poenja pakean jang biasa, jalah djoebah jang pandjang, dan sorban jang soeda toewa. Bidji tasbe tida katinggalan dari tangannja. la ada orang jang pegang igama betoel, maka di antara santri-santri jang perna bergaoel padanja tida ada satoe lang tida indahken Hadji Itoe.
„Sabagitoe lama ia tinggal di kampoeng Petjah Koelit, orang tida dapet taoe brapa banjak adanja kakajaän Hadji Mansoer, djoega orang tida taoe dimana la simpen hartanja. Di dalem roemah ia tida simpen oewang lebih dari lima roepia, tapi kaloe la maoe toeloeng orang, dengen sabentaran sadja ia pergi, lantas bisa bawa poelang oewang ratoesan roepia.
„Samoea orang bilang Hadji itoe ada manoesia aneh, saorang jang mempoenjai ilmoe soenglap, malah ada djoega jang bilang la pake ilmoe ngepet. Tapi orang-orang terpladjar, taoe bahoea Hadji Mansoer ada poenja satoe resia jang ia tida sekali maoe tjeritaken pada siapa djoega, satoe resia jang kadang-kadang datengken kasedihan heibat sekali padanja. Sering ia menangis djikaloe orang tanjaken apa la tida ada poenja istri dan anak, kenapa ia boewang-boewang hartanja boeat laen orang. Hadji itoe kata maski poen sapoeloe taon la berboeat begitoe, bartanja tida nanti abis. Hal istri
