— 153 —
samboengannja, jaltoe jang empo Sampah kasiken pada itoe orang jang tinggal di bekas roemahnja. Saja pergi lagi katemoeken empo Sampah, dan minta dioendjoekin dimana roemahnja itoe orang. Saja dapet katerangan itoe orang soeda pindah kalaen tempat dan tida katahoean ka tempat mana.”
„Saja bisa oendjoek kamana itoe orang soeda pinda dan siapa namanja," kata Ali jang sedari tadi tinggal diam tida boeka soeara. Hatinja djadi merasa amat heran koetika denger tentang pengidoepannja itoe Hadji Mansoer dan ia poenja doea kitab peninggalan. Apa jang doeloe Ali pikirken tida bisa soeda, dan apa jang kallatannja gelap, sekarang djadi terang dan katahoean asal-oesoelnja.
„Betoel abang taoe? Ach! kaloe begitoe kabetoelan sekali," kata Raden Jaka dengen girang. „Kaloe saja bisa dapetken itoe satoe kitab, tentoe saja bisa dapetken djoega satoe soerat wasiat, jang kasi oendjoek dimana hartanja Hadji Mansoer ada dipendem.”
„Aneh betoel ini tjerita," kata Soedarmo jang djadi toeroet tjampoer omong, sebab la poen moelai mendoesin kamana achirnja itoe tjerita, kerna samalem dalem satoe pembitjaraän antara Joesoef dan Ali, soeda terboeka itoe resia penggalian harta di bekas mesdjit roesak di Mangga Doea. Tetapi lebih dari kalvearin itoe parkataän, Soedarmo tida kata apa-apa lagi, la kapingin denger sampe abis
