— 154 —
begimana ajahnja nanti tieritaken halnja itoe kitab.
„Kenapa saja bisa dapet taoe lebih doeloe jang di itoe laen kitab ada tersimpen satoe soerat wasiat ?" kata lagi Raden Jaka. „Itoelah terdapet dari penoetoer kitab jang pertama. Apa jang Hadji Mansoer tjeritaken dalem kitabnja itoe, adalah ia poenja lelakon tjari hartanja Radja-radla Mongool di negri Toerkistan. Di laen hari saja nanti tjeritaken samoea hikajatnja itoe, kaloe saja bisa dapet boekoe samboengannja. Sekarang ringkesnja saja maoe tjeritaken, jang Hadji Mansoer tjoema beroentoeng dapetken satoe tengkorak di tengah laoetan pasir di Bokhara, pada samping tengkorak mana, ada terdapet bebrapa petjahan beling dan batoe warna, jang satelah Hadji Mansoer dan kawan-kawannja koempoelken itoe, njatalah batoe itoe ada moestika poealam dan brillant jang masi geloentoengan besar-besar. Itoelah boekan ada koeboerannja Radja-radja Mongool jang Hadji Mansoer niat tjari, hanja maitnja saorang Inggris jang beroentoeng dapet tjari itoe koeboeran Radja, tetapi waktoe poelang, di tengah djalan ia soeda diboenoeh oleh bebrapa kawannja bangsa Arab. Doea karoeng batoe permata jang didapetken oleh itoe orang Inggris dari koeboerannja itoe Radja radja Mongool, soeda dirampas oleh itoe pengikoet, dan batoe-batoe permata jang Hadji Mansoer poengoet di pasir, adalah dari berarakan-
