— 155 —
nja itoe permata dalem doea karoeng jang diangkoet pergi oleh pengikoetnja itoe orang Inggris. Dengen itoe hasil dari perdjalanannja, Hadji Mansoer balik kombali ka Djedab, dan djoeal barang barang itoe dalem pasar, dimana orang-orang asing bartawan soeda beli dengen harga mahal. Pendapetannja dipetjah lima, sebab ia pergi ka itoe tempat djaoe bersama ampat kawannja. la poenja bagian koerang lebih ada f 100,000, dengen oewang mana ia balik poelang ka Java. Sasampenja disini ia dapetken empo Saleha dan anaknja soeda pergi tida katahoean kamana. Dalem kitab itoe la ada seboet jang dalem satoe soerat wasiat jang ia selipken di kitab kadoea, ia ada oendjoek dimana ia simpen sabagian hartanja. Itoelah ada harta jang ia harep nanti sampe di tangan istri atawa anaknja jang prampoean bernama Moer haja.”
„Apakah ini abang soeda dapet taoe jang dalem itoe kitab ada terselip soerat wasiat ?” tanja kamoedian Raden Jaka pada Ali.
„Soeda,” sahoet Ali. „Malah itoe harta soeda saja gali, tetapi boekan saja jang dapet, hanja Nji Marsina, plaraänja toean Joesoef jang poenja ini roemah. Inilah djoega ada perkaranja itoe Njai jang membikin Raden dateng disini.”
Raden Jaka djadi tertjengang koetika liat perkara jang ia sedeng ikoetken, dengen tida soesah soeda sampe di oedjoengnja.
