Halaman ini tervalidasi
— 14 —
Marsina tida menjaoet. Ia merasa pasti bahoea hatinja Joesoef tida dapet digerakin boeat rampas haknja si Ali.
Joesoef masoek ka kamar dan rebahken diri dengen lelah. Marsina rebahken dirinja di korsi males di pinggir lankan dalem serambi jang mengadepi pada kebon. Otaknja berpikir, sedeng matanja berbajang-bajang meliat itoe oewang f 50,000. Ia kapingin bisa dapet itoe harta dan kapingin nanti dibeliken djoega itoe giwang dan peniti oleh toeannja. Tidakah kaloe ja dapet itoe oewang 50,000 dan itoe perhiasan jang mahal, ia nanti djadi rébo sekali?
Joesoef soeda poeles njenjak di kamar, sedeng Marsina masi doedoek berpikir.
Lotieng di pertengahan mengoetaraken djam poekoel 10.
