— 158 —
soerat wasiat dari dalem kitab, jang dengen pertoeloengannja Joesoef, ia dapet tjari itoe tempat dimana harta dipendem. la tjerita lebih djaoe jang la soeda dipoekoel oleh Joesoef dan hartanja dirampas oleh Marsina. Sasoedanja pinda ka Bogor ia beroentoeng katemoe lagi itoe moesoe, sampe achirnja ia dimasoeken ka dalem roema sakit gila. Pengabisannja ia tjeritaken itoe maksoed aken membales sakit hati, hingga ia prenta istrinja masoek berkerdja sama Joesoef, dalem pakerdjaän mana istrinja itoe soeda dapet taoe maksoednja Marsina jang maoe ratjoenken Moerhaja lantaran sakit hati katjintaännja pada Darmo direboet.
„Sekarang saja djadi inget," kata Raden Jaka deIngen kasi naek alisnja jang kereng. Ini djoega ada perkara kabetoelan. Tida bisa salab, tentoe ini abang Ali ada itoe orang loeka jang itoe hari saja dapetken terletak di bawah djalanan kreta api di di Mangga Doea. Itoe hari saja baroe poelang anterken djinazatnia satoe sobat dikoeboer, dan satelah dapet liat ini abang terletak dengen loeka, kita-orang dengen temen-temen lantas anterken ka roemahnja di Petjah Koelit. Lantaran kita-orang liat ini abang ada saorang miskin, kita-orang rame-rame [lantas koempoel oewang boeat toeloeng abang ini berobat,"
„Oh! kaloe begitoe Raden djoega jang soeda toeloeng pada saja, serta toeloeng briken oe-
