— 160 —
lagi Raden Jaka pada Ali.,,Itoe harta jang dengen soesah la dapet gall soeda dirampas oleh Nji Marsina, jang tentoe soeda goenaken oewang itoe boeat bersenang-senang dengen Joesoef. Itoe Said Joesoef adaorang kaja besar di kampoeng Tjimanggis, pantesnja ia moesti toeloeng orang-orang lang soeda djadi korban dari katemahaännja ia poenja piaraän."
„Memang la nanti toeloeng," saboet Ali. „Itoe oewang f 50,000 la nanti ganti penoeh. Ini roemah bersama sekalian perabotannja, ia kasiken saja. Tetapi saja sendiri tida maoe serakahken. Itoe oewang f 50,000 jang boekan djadi saja poenja bak, hanja haknja Moerhaja, achliwaris toenggal dari Hadji Mansoer, baroes diserahken padanja. Djoega ini roemah saja tida maoe poenjaken. Apa jang saja harep melinken boleh toempangken diri saja jang soeda toewa boeat saoemoer idoep."
„Ach! tida boleh begitoe," kata Nji Saleha.,,Samoea moesti dapet sabagian. Saja sendiri tida ada poenia kakoeatan boeat trima itoe samoea harta."
„Saja tetap maoe sebagimana jang saja kataken tadi," sahoet Ali
„Kaloe begitoe, trima sadja," poetoesken Raden Jaka,,,masing-masing teroes tinggal di ini roemah. Djoega Soedarmo boleh tinggal disini kaloe ia soeka. Salaennja Soedarmo jang bisa dapet pentjarian dari kapandeannja, masing-masing jang laen poenja onkost pengidoepan boleh diambil dari itoe oewang f 50,000. Dengen begitoe'ah perkara djadi beres."
Banjak laen laen perkara lagi iaorang omongken sampe djaoe malem, tapi kita toetoep sadja iaorang poenja pembitjaraan sampe disini.
