— 161 —
XV.
HARTA JANG TERPENDEM DI AZIË.
Satoe minggoe berselang, di pertengahan dari itoe gedong ketjil djoega di Tjiwaringin, orang-orang isi roemah berkoempoel omong-omong, tetapi djoemblanja ada lebih banjak dari itoe malem jang soeda ditjeritaken di atas. Salaennja Raden Jaka, Raden Soedarmo, Saneah, All dan Nji Saleha, djoega Moerbaja jang soeda banjak semboeh dari sakitnja, ada toeroet berkoempoel. Malah di sitoe ada djoega toean Joesoef, jang lantaran perboetannja la poenja piaraän, Marsina, soeda berboeat itoe kadosahan, tapi sekarang ada dihormatken oleh itoe sekalian orang, lantaran la poen ja perboeatan dermawan dan hati keras aken bikin baek kombali segala kasalahannja. All, begitoe poen jang laen-laen soeda ampoenken segala kasalahannja Joesoef, hingga disitoe tida ada pikiran dendem sakit hati lagi, malah orang Iket persobatan lebih kekal.
„Soedara Darmo," kata Joesoef pada itoe djedjaka jang soeda dekat temponja menikah dengen itoe gadis jang ia tjintaken,,,begitoe djoega Raden Jaka dan abang All, jang soeda perna ngalamken idoep di tempo moeda, tentoe tida terialoe salahken saja jang djadi boeta dengen katjantikannja prampoean seperti Marsina dan la poenja pande mengambil
hati, hingga saja bisa loepa sama segala kapantesan
HARTA
11
