— 163 —
pada Allah soepaja Marsina dapet hoekoeman berat, sebab permintaan begitoe menoedjoeken hati jang kedjem.
„la nanti menjesel dalem tempo hoekoemannja," kata Ali. „Allah brangkali tida bisa bri penjesalan padanja, maka tangan manoesialah dalem oendang- oendang jang nanti kasi la penjeselan satjoekoepnja."
„Begimana papreksaän perkaranja?" tanja Raden Jaka.
„Belon dipreksa," sahoet Darmo.„Doea minggoe lagi brangkall baroe nanti dipreksa. Itoe Hadji Doerham jang djoeal ratjoen, djoega soeda ditahan. Dalem papreksaän Djaksa dia soeda sangkal kasalahanna. Itoe ada empo Saneah poenja oeroesan jang nanti kasi kasaksian atas perboeatannja."
„Saja nanti kasi kasaksian maski dengen soempah begimana djoega," sahoet Saneah.
„Ach! blarlah itoe oeroesan kita djangan omongin, itoe perkara kita serahken sadja pada pareksaän Landraad, jang nanti kasi poetoesannja dengen adil. Sekarang, seperti maksoednja kita-orang berkoempoel disini, jaitoe maoe denger begimana hikajatnja Hadji Mansoer di tanah Arab." Raden Jaka bangoen dari tempat doedoeknja dan ambil doea kitab Arab dari medja dalem. Ia doedoek kombali di korsinja.
„Ini kitab doea-doea sekarang ada disini," kata
