— 168 —
besar, koeboeran-koeboeran mana telah lama ilang. Itoe doea orang dari Yarkand soeda beroentoeng dapetken itoe tempat koeboeran dan tempatnja harta terseboet dipendem.
„Itoe tjérita jang doea orang terseboet toetoerken, sebagimana ada dibenarken oleh pembesar Rusdi Bokhara, betoel ada seperti satoe bagian dari tjerita Sariboe satoe malem.
„Itoe doea orang ada berkerdja pada soedagar pengoembara Jang bikin perdjalanan antara Yarkand dan itoe doesoen-doesoen jang mendjadi wates dari laoetan pasir garem dan ada djadi sabagian dari tanah daerahnja Turkistan Timoer. Doea orang itoe soeda bertjektjokan dengen toeannja, dan laloe balik poelang ka marlka poenja kampoeng di Yarkand.
„Pada hari jang kaämpat dalem marika poenja perdjalanan poelang, laorang soeda kasasar di antara djalanan djoerang dari goenoeng-goenoeng, dan sasoedanja berdjalan doea hari lamanja, disitoe laorang dapetken satoe djalanan jang tertatah oleh batoe-batoe 'karang, djalanan mana melinken bisa moeat aken doea orang liwat. Sasoedanja berdjalan bebrapa lamanja di atas ini djalanan tebing jang dalem dan gelap, laorang dapetken bahoea djalanan itoe soeda menoentoen padanja ka satoe gowa karang jang ketjil dan kering. Disitoe iaorang dapet llat sadjoembla patoeng-patoeng manoesia jang
