— 169 —
berdjedjer baris di depan satoe pintoe teroekir jang berat. Sedikit djaoe dari itoe pintoe pasegi jang terboeka ada terletak satoe lobang, dalem mana ada kaliatan bebrapa koeboeran, dan satoe-satoe koeboeran itoe ada penoeh dengen bebrapa matjem ratna-manikam jang berharga besar sekali. laorang akoen bahoea iaorang telah liat batoe-batoe permata sadja tida nanti bisa diangkoet abis oleh anam poeloe onta.
„Itoe doea soedagar laloe ambil harta itoe sabegitoe banjak jang iaorang sanggoep bawa, tetapi iaorang moesti lemparken lagi sama sekali, oleh kerna dapet pikir bahoea lebih perloe marika moesti slamatken dirinja boeat dapetken komball itoe djalanan ka Yarkand. laorang bikin pertandaän dengen hati-hati atas itoe djalanan dan sebar batoe-batoe pada sapandjang djalanan itoe sebagi pertandaän. Satelah sampe di kampoengnja, iaorang laloe ambil poetoesan aken djoeal itoe sedikit batoe permata jang ia dapet bawa ka pasar di Bokhara, di tempat mana barang itoe bisa dapet harga lebih mahal dari di kampoengnja, dan bebrapa hari kamoedian iaorang sigra berangkat ka itoe kota dengen ambil djalan dari Kashgar dan Khodjend, soepaja slamet tida dihampirken oleh laen kawanan pengoembara. DI Bokhara, itoe kota dari Centraal Azië jang paling indah, iaorang di dalem pasar laloe bertemoe dengen satoe pengoembara bangsa Inggris,
