— 172 —
itoelah tida bisa disangkal lagi ada satoe antara hartanja itoe bangsa Mongool jang didjoeal di pasar-pasar India, dan dari India batoe itoe soeda dibeli oleh satoe soedagar dari Perzie, jang laloe djoeal poela pada soedagar Arab terseboet.
„Hadil Mansoer memikirken boenjinja itoe toelisan dengen penoch kainginan aken bisa dapetken itoe koeboeran radja-radja Mongool, jang tentoe hartanja belon abis diangkoet oleh doea orang terseboet dalem toelisan itoe. Doea minggoe lamanja ia menimbang dan achir-achir la adjak berdami dengen lima sobatnja jang boleh dipertjaja. Satoe antara sobatnja itoe, jaitoe Hadji Salim, tida pertjaja itoe toelisan dan tida soeka bik n itoe perdjalanan jang djaoe dan berbahaja, tetapi ampat sobatnja Hadjl Mansoer jang laen, sasoedanja mendenger katerangan-katerangan dari Hadji Mansoer, telah satoedjoe aken bikin perdjalanan itoe. Begitoelah laorang laloe djoeal abis sekalian dagangannja dan sedia apa jang perloe boeat itoe perdjalanan.
„Hadji Mansoer tida loepa pada istri dan anaknja di Java, maka oewang jang saban doea atawa tiga boelan sakali la kirimken pada istrinja, itoe waktoe, tatkala la maoe berangkat, ia telah briken sadjoembla oewang pada Hadji Salim, oewang mana jang tjoekoep dipake tiga taon oleh istrinja, ia minta Hadji Sallm bawa ka Betawi dan sampeken
