— 173 —
itoe pada istrinja, serta kabarken djoega tentang berangkatnja Hadji Mansoer ka itoe tempat djaoe." „O! kaloe begitoe Hadji Salim ada satoe bangsat besar, satoe penghianat," kata Njai Saleha dengen goesar. Baroelah ia taoe sebab-sebabnja, kenapa soeaminja tida kirimken oewang, dan baroelah la taoè kenapa Hadji Salim djoestaken jang soeaminja soeda meninggal doenia. Tentoelah Hadji Salim ada poenja sangkahan pasti jang Hadji Mansoer nanti mati dalem perdjalanannja, maka ia brani berdjoesta begitoe.
„Saja soeda bilang doeloean, bahoea Hadji Salim itoe ada pendjoesta besar. la sendiri paling taoe hal-ichwalnja Hadji Mansoer, tapi sengadja la berdjoesta boeat telen sendiri itoe oewang jang diserahken padanja boeat empo. Blarlah Allah koetoek padanja."
„Sekarang saja maoe tjeritaken lebih djaoe," kata lagi Raden Jaka. „Dengen menoempang kapal dari Djedah, Hadji Mansoer laloe berangkat bersama ampat temennja ka Karachi. Di ini kota ia laloe beli saboeah praoe, dan ambil anam orang boeat toekang gajoe. Dengen toeroetin djalannja soengei Indus, laorang laloe berangkat dengen menabras alirannja aer soengei. Anem boelan lamanja ia sampe di Rawal Pindi, tanah daerah keradjaän Punjab. Dari sini perdjalanan soengei ada soeker. Kadoea tepi soengei ada oetan-oetan
