— 175 —
ambil ringkesnja sadja, jaltoe sasoedanja kasasar bebrapa kali di itoe tanah pagoenoengan, doea boelan lamanja la baroe sampe di laoetan pasir, itoe tempat jang Hadji Mansoer harep nanti dapet tjari koeboerannja itoe Radja-radja Mongool, tetapi harepannja slasia, hingga itoe tempo bebrapa minggoe lamanja ja soeda boeang pertjoema di sitoe. Begitoelah sasoedanja abis pengharepannja, dengen menjesel iaorang laloe teroesken perdjalanannja dengen liwatken kota Yarkand, sampe katemoe lagi laoetan pasir. Bebrapa hari sasoedanja liwatken kota Yarkand, sakoenjoeng-koenjoeng Hadji Mansoer dapet liat berkilapnja barang aneh di atas pasir, tetapi sasoedanja Hadji Mansoer liat saklebatan, baroelah la dapet taoe bahoea itoe melinken ada petjahan beling. Di samping itoe petjahan ada terletak satoe tengkorak manoesla jang soeda kering, barang mana boekan ada perkara loear biasa jang orang bisa katemoeken di itoe perdjalanan berbahaja aken orang mati kakeringan. Sasoedanja djalanken lagi ontanja bebrapa tindak, kombali Hadji Mansoer dapet liat petjahan begitoe. Ini kali la berpikir dan bantah pikirannja sendiri jang tadi, sebab ia inget, dimanatah orang ada poenja tempo iseng-iseng selagi liwatken itoe tempat berbahaja aken antjoerken botol ? Maka dengen merasa sangsi, ia laloe toeroen dari onta bersama ampat kawannja itoe dan poengoet itoe
