— 16 —
Ali toenggoeken istrinja jang sakit sampe ia poenja mertoea soeda poelang dengen bawa daon obat. Sama sekali Ali tida maoe tjeritaken tentang itoe soerat wasiat jang bakal kasi ia harta besar. Salagi mertoeanja menoemboek obat, Ali pergi ka pelataran dan rebaken diri di atas bale sambil memikirken dengen perkakas apa ia moesti gali itoe harta. Boeat pergi ka itoe mesdjit roesak ada doea djalan. Kasatoe di Gang Gardoe dan kadoea di Gang Boeroeng. Kira-kira itoe waktoe baroe djam 9 malem. Kaloe ia berangkat dengen bawa patjoel dan linggis pada waktoe begitoe, nistjaja toekang- toekang gtobak di Gang Gardoe bisa dapet liat, sebab iaorang belon masoek tidoer begitoe waktoe, demikian djoega di Gang Boeroeng tentoe masi rame. Ali ambil poetoesan aken toenggoe sampe djam 10 liwat dan ambil djalan di Gang Gardoe, sebab disitoe ada lebih dekat ka mesdjit roesak, djoega tida terlaloe serem. Djalanan di Gang Boeroeng moesti liwatken banjak koeboeran Olanda dan koeboeran Islam, inilah Ali, jang pikirannja penoe tachajoel, tida brani liwatken.
Boelan jang boender ada sinarken tjahajania semingkin terang. Ali, sambil rebah tjelentang di atas bale, ada pandang bagoesnja boelan itoe sebagi bagoesnja ia poenja peroentoengan jang bakal dateng. Ia kenangken kaloe ia dapet itoe harta £50,000, ia nanti pinda ka Matraman, dimana ia ada
