— 17 —
poenja familie. Ia nanti bikin roemah jang bagoes, perabotken itoe dengen netjis, piara sado dan delman karet. Ia poenja istri nanti ia pakeken mas inten jang berharga mahal, saban malem ia boleh plesir nonton bioscope atawa ka park boeat oendjoek kakajainnja. Ia poenja soedara di Bogor jang tjoema mampoe djadi toekang bikin bilik, ia nanti Panggil poelang dan tinggal sama-sama ia di roemah jang bagoes. Ia sendiri tida lagi djadi toekang pikoel aer dan toekang piara poehoen-poehoennja Nji Marsina. Pada toean Joesoef ia nanti anter banjak barang makanan dan pakean, sebagi ia poenja tanda trima kasi jang toean itoe soeda kasi katerangan halnja itoe soerat wasiat dengen sadjoedjoernja. Banjaklah pikiran-pikiran enak masoek di kapalanja si All, sampe achir-achir ia ini djadi terkedjoet koetika dapet denger soeara kreta api bersoewit. Itoelah ada kreta djam 10 dari Tandjoeng Prioek. Ali berbangkit dengen tjepet. Di dalem ia liat mertoeanja rebah poeles, dan istrinja moelai enakan koetika kapalanja soeda ditjatjap dengen daon obat.
Ali pergi ka blakang roemah, ambil patjoel dan linggis, kamoedian dengen tida kasi taoe istri dan mertoeanja, ia laloe berangkat ka mesdjit roesak. Sepandjang djalanan ada sepi, tida satoe bidji manoesia Ali katemoeken, sampe achirnja Ali masoek
HARTA
2
