— 19 —
hari banjak toekang roempoet di tepi-tepi sitoe, salaennja begitoe, djoega orang jang dateng sembajang di koeboeran, boleh dibilang ampir tida ada brentinja, Samentara kaloe ia teroesken perdjalanannja, ia takoet ditjekek setan. Ali balik kapalanja aken liat tempat jang ia soeda liwatken di Gang Gardoe. Gelap dan serem! Selagi berpikir, sakoenjoeng-koenjoeng Ali dapet liat bajangan poeti lari berklebat di dalem itoe gang, sedikit djaoe dari tempat ia berdiri.
„Laillah!” menjeboet Ali dengen takoet.
Itoe bajangan linjap di gombolan poehoen-poehoen. Dalem hatinja Ali inget pada tjeritanja setan Njai Grintil.
Ali sekarang ambil poetoesan aken tida liwat lagi di itoe gang, sebab ia takoet katemoeken itoe bajangan jang ia liat melak-melak ada lari mengoempet di gombolan poehoen.
Ia teroesken perdjalanannia dengen tjepet ka itoe mesdjit, dalem hatinja meminta pada Allah soepaja ia dilindoengken dari segala godaan iblis, sedeng moeloetnja tida brenti membatja bebrapa djampean.
Achirnja Ali sampe di itoe mesdjit. Dari pintoe samping ia lantas bisa dapet liat itoe soemoer, dan dari pinggiran soemoer ini ia laloe bertindak lima langka ka samping sabelah kanan dari satoe koeboeran, di tempat mana betoel djoega Ali dapet
