— 24 —
„Apalah djoega jang toean moesti keselken sekarang,” kata Marsina sambil memandang toeannja. ,Ali soeda mat}, tida saorang taoe toean soeda poekoel padanja. Itoe harta jang soeda ada di tangan kita, tida nanti saotang brani rampas kombali, maskipoen saandenja achliwaris dari itoe pendita masi idoep di doenia.”
„Kaoe djangan banjak bitjara, prampoean temaha,” sahoet Joesoef dengen boeang moekanja ka laen djoeroesan, seperti djoega ia tida soedi liat lagi parasnja Marsina jang di itoe pagi sabetoelnja ada kaliatan lebi tjantik. „Akoe tida pikir hal itoe harta jang soeda ada di tanganmoe, tetapi akoe tida bisa ilangken akoe poenja rasa menjesel atas perboeatankoe jang sanget kedjem pada sasama manoesia. Ali binasa lantaran kaoe poenja perboeatan, dan ia soeda binasa di tangan akoe. Siapakah jang nanti tjoetji itoe kadosahan ? Ach! terkoetoeklah kaoe, Marsina.”
Marsina tertawa dengen merdoe.
„Di waktoe lapar orang tida inget pada dosa,” kata lagi Marsina, „saja boekan lapar tida makan, tapi lapar dengen barang permata, Tjoba toean beliken itoe barang-barang dari toko van Arcken tentoe saja tida serakahken Ali poenja harta...."
„Tapi toch kaoe masi ada poenja barang-barang permata dari akoe, itoe gelang, toesoek konde, pending dan laen-laen jang masi berharga riboean.
