— 26 —
andenja Joesoef soeka sama-sama pergi ka itoe mesdjit roesak dan gali itoe harta, tapi Joesoef tida maoe dan ia soeda tolak aken lakoeken itoe pakerdjaan dengen hati jang tida dapet dirobah lagi. Sama siapakah ia moestipergi ka itoe tempat jang serem? Begitoelah Marsina berpikir. Min, ia poenja koki boleh diadjak, tapi Min sendiri ada satoe pengetjoet, penakoet sama setan-setan. Sering-sering Min sendiri ada tjeritaken sama Marsina tentang djahatnja setan Niai Grintil. Salaennja dari begitoe, Min belon tentoe aken bersetia selama-lamanja, maka kaloe satoe waktoe ia boeka itoe resia, nistjaja kasenangannja Marsina bisa terganggoe. „Akoe moesti pergi sendirian,” kata Marsina pada diri sendiri. Tetapi Marsina berpikir lagi, tjara begimana ia moesti gali itoe harta. Di dalem testament ada terseboet, itoe peti oewang ada terpendem di tanah satoe kaki dalemnja dan tertindi oleh satoe batoe. Apakah ia sanggoep kiserken itoe batoe dan gali itoe tanah? Itoelah boekan pakerdjaannja orang prampoean, sebab moesti pake banjak tenaga. Salaennja begitoe Marsina berpikir djoega, sadndenja selagi gali itoe harta Ali dateng, begimana ia moesti bikin sama Ali? Berklai tentoe Marsina tida aken menang. Achir-achir Marsina inget si Min poenja tjerita tentang setannja Njai Grintil, Apakah Ali takoet setan? Inilah tida bisa kliroe, sebab Ali sendiri seringkali per-
