— 27 —
tjaja bahoea kaloe istrinja sakit, ada dari lantaran dapet liat setan. Marsina dapet pikir satoe akal, hingga ia djadi bersenjoem. Itoe oewang f 50,000 berbajang-bajang di depan matanija, hingga Marsina djadi loepa tadi lotjeng di pertengahan roemah soeda mengoetaraken djam sapoeloe. Ia lekas berbangkit dan masoek ka dalem kamar, dari mana ia ambil satoe sprei dan teroes berdjalan ka loear dengen tida ada orang jang taoe.
Di djalanan ada sepi, angin menioep dengen santer. Marsina lekas karoedoengi badannja dengen itoe sprei, teroes djalan sampe di moeloet Gang Gardoe, Ia pikir Ali tentoe belon dateng ka itoe tempat, maka koetika dapet liat ada bajangan item dalem itoe gang, ia djadi terkedjoet, boeloe badannja mengkirik. Ia sendiri sangka bajangan itoe ada setan koeboeran, tetapi satelah dapet liat api roko di moeloetnja bajangan itoe, lantas djoega Marsina dapet doega bahoea bajangan itoe tida laen dari si Ali. Ia lekas mengoempet dalem gombolan, kamoedian satelah liat bajangan itoe soeda berdjalan lagi, ia sigra boentoetin. Tjepet sekali Ali berdjalan, hingga Marsina katinggalan djaoe. Koetika sampe di depan itoe mesdjit roesak, lantas djoega Marsina dapet denger soearanja tanah jang digali dan soeara patjoel jang beradoe-radoe dengen batoe. Dengen pelahan sambil mengoempet di bajangan-bajangan tembok, Marsina masoek ka
