— 28 —
dalem mesdjit jang soeda tida ada gentengnja sampe di pertengahan, dimana dengen laloeasa ia awasken Ali berkerdja, sedeng Ali tida aken dapet liat padanja.
Bebrapa saat soeda berlaloe, achirnja Marsina rasaken hatinja memoekoel keras satelah dapet liat Ali kasi kaloear itoe peti item dari dalem tanah. Marsina tida tahan hatinja jang bersoerak satelah dapet liat itoe oewang dikasi kaloear oleh Ali dari dalem itoe kantong-kantong, hingga dengen tida terasa ia soeda tertawa dengen keras. Ia liat Ali terkedjoet sanget dan moendoer bebrapa tindak ka blakang, sedeng badan dan tangannja bergoemeter. Marsina baroe inget akal jang ia pikirken tadi, dan ia merasa broentoeng sekali itoe tertawaan jang tida disengadja soeda tida bikin gagal maksoednja, maka dengen lekas ia karoedoengi antero moeka dan badannia dengen itoe sprei poetih, dan berdjalan menghamperi pada itoe peti oewang dengen tindakan perlahan. Dalem hatinja Marsina merasa amat geli meliat tingkanja Ali jang sanget ketakoetan dan tida brentinja menjembah serta menjeboet. Koetika soeda berdiri di depan itoe peti Oewang dan merasa Ali tida nanti brani membantah kaloe peti itoe ia angkat pergi, maka Marsina tida kasi ilang tempo lagi, dengen tjepet pondong peti itoe, maski poen ada amat berat. Koetika maoe melariken
