— 30 —
dari kapalanja. Kaliatan Joesoef tida bisa liat itoe pemandangan ngeri, sebab ia lekas lemparken itoe batoe jang ada di tangannja dan melariken diri sembari berkata: „Lekas lari,....lekas lari!”
Marsina taoe bahaja apa bisa deena kaloe perboeatannja di sitoe kataoean orang, betoel tempat itoe ada sepi, tetapi Ali poenja soeara bertreak ada tioekoep keras aken bisa didenger oleh toekang-toekang grobak di Gang Gardoe, maka lekas-lekas Marsina pondong itoe peti oewang dan melariken diri.
Ia sampe di roemah dengen napas tersengal-sengal dan tida bisa kaloearken satoe perkataan, sebab aken pondong itoe peti oewang jang berat sampe di roemah, boekan sedikit tenaga ia moesti kaloearken. Peti itoe ia taro di atas medja dan ia sendiri roeboehken dirinja di atas divan.
Bebrapa saat Marsina tida bergerak, keadaan dalem itoe roewangan djadi soenji, hingga melinken kadengeran soearanja Marsina sadja jang ditarik keras. Lampoe: gantoeng jang besar ada ketjil sekali apinja; hingga penerangan dalem roewangan itoe melinken ada samar-samar sadja.
Podjokan depan dari roewangan itoe, di bawah satoe djendela jang tertoetoep, ada satoe korsi males, dimana Joesoef biasa rebahken dirinja. Marsina tida perhatiken Joesoef ada dimana, ia doega Joesoef ada dalem kamar. Sasoeda rasaken dirinja
