— 31 —
ilang tjape, Marsina moelai bangoenken badannja. Sakoenjoeng-koenjoeng ia mendjerit, di itoe podjokan jang gelap ia dapet liat doea tangan jang diangkat dan doea mata jang mendelik. Marsina toetoepken matanja dan baliken badannja dengen goemetar. Ia pikir itoelah setannja si Ali dateng menjoesoel.
„Toean! toean, toeloeng!” bertreak Marsina dengen njaring.
Kamoedian ia denger soearanja badan jang diroeboebken di atas itoe korsi males, betoel pada tempat dimana Marsina dapet liat itoe mata dan tangan.
Marsina baliken kapalanja dan awasken lagi itoe tempat gelap. Sekarang matanja baroe dapet liat potongannja satoe badan jang sedeng rebah.
„Toean !” memanggil Marsina.
Ia denger Joesoef mengelah napas.
„Ja, Allah!” menjeboet Marsina dengen mengoeroet dada aken bikin legah ia poenja hati, jang tadi terkedjoet sanget, „kenapa toean berboeat begitoe ? Astaga, saja kira setannja si Ali.”
Joesoef tida bitjara, ia tekap matanja.
Kadoea orang ini sedeng berada dalem katakoetan. Begitoelah memang biasanja kadjadian pada orang-orang jang berdosa. Marsina, maskipoen hatinja katoetoepan oleh rasa temaha, toch tida bisa loepa itoe pemandangan dimana ada kaliatan badannja
,
