— 35 —
IV.
GILA.
Satiap kali kreta api Jiwat, itoe pintoe dialanan spoor di oedjoeng Gang Gardoe ada ditoetoep dan diboeka kombali dengen perkakas kawat jang dikerdjaken oleh satoe toekang djaga pintoe di satoe goeboek, sedikit djaoe dari itoe tempat.
Maski poen tida banjak, tetapi bebrapa orang sedari pagi ada lintasken itoe djalanan, tjoema tida ada satoe jang dapet tengok badannja satoe orang loeka jang terletak di bawah gili-gili dari itoe djalanan. Kabetoelan itoe pagi ada sakawanan orang-orang Boemipoetra jang baroe poelang mengoeboer mait dan salah satoe jang menengok ka sabelah kanan, soeda dapet liat itoe badan jang tjelentang di bawah gili-gili djalanan spoor dan dengen ia poenja pengoendjoekan, laen-laen kawannja poen aloe menengok, Satoe antaranja orang-orang itoe jang berbadan gemoek dan berkoemis, serta roepanja ada paling terindah dalem itoe rombongan, soeda minta kawan-kawannja toeloeng angkat itoe orang loeka. Marika dapetken orang itoe dapet loeka besar di kapala, banjak darah soeda mengoetjoer di sakoedjoer badannja, hingga moekanja poen ampir tida bisa kaliatan, lantaran tertoetoep oleh darah jang soeda kering. Keadaannja orang loeka itoe soeda amat pajah, tapi ia masi bernapas, maskipoen matanja tinggal merem.
