— 2 —
penerangan gas di waktoe malem, soeda bikin tida enak aken orang tinggal di ini tempat. Di waktoe siang sekali poen, salaennja soeara tram electrisch dan kandaran-kandaran jang liwat pergi dateng, tida ada kadengeran soeara apa-apa lagi; orang liwat poen sedikit sekali, dan bila matahari soeda silem, boleh dibilang djarang ada manoesia jang brani lintasken tempat itoe. Orang-orang Boemipoetra ada pertjaja bahoea itoe koeboeran-koeboeran Islam ada mempoenjai keangkeran. Tersiarnja tjerita bahoea banjak orang liwat ada dapet liat setan-setan, soeda bikin lebih sepi keadaannja ini tempat.
Kasoenjian begitoe ada disoeka oleh orang-orang jang biasa berboeat apa-apa dengen semboeni, Begitoelah satoe roemah model panggoeng jang soeda toea pada tepi kanan dari djalanan itoe, soeda bebrapa lama kaliatan ada diperabotken dengen netjis. Poehoen-poehoen oetan jang sdoeloe ada toemboe lebet dan membikin djelek pada pekarangan itoe roemah, telah ditebang dan ditanemin poehoen-poehoen boengah atawa pot-pot kembang jang dirawat baek. Roepanja saorang hartawan soeda sewa ini roemab, tetapi aneh sekali ia tida maoe tjari tempat rame boeat oendjoek kaindahan tempatnia. Nistjaja tida bisa di sangkal lagi orang itoe kapingin simpen resia apa-apa: jang ia tida maoe banjak orang dapet taoe.
Bila salaennja hari Minggoe, di waktoe sore
