— 38 —
batang dan angkat si Ali ka dalem roemah dengen keadaan seperti mait, sedeng pada embok Saneah orang laloe tjeritaken dimana iaorang dapetken Ali jang loeka.
Sabelonnja orang abis toetoerken keadaanja si Ali koetika orang dapetken padania, embok Saneah soeda memboeroe pada badannja si Ali dan teroes roeboeh di tanah dengen pangsan. Mertoeanja Ali jang soeda toea, tida bisa tahan aken tida menangis, Sabentaran sadja tetangganja embok Saneah dateng berkoempoel dan masing-masing menanja dengen melit dimana Ali soeda dapet itoe loeka dan lantaran apa. Itoe orang gemoek dan berkoemis, soeda tjeritaken dengen sabar keadadnnja Ali koetika didapetken di bawah itoe gili-gili djalanan spoor. Lebih djaoe orang itoe njataken pendapetannja bahoea Ali tentoe soeda dapet itoe loeka kabentoer oleh kreta api jang sedeng liwat. Samoea pendenger, salaennja Saneah dan iboenja, telah pertjaja itoe tjerita.
Ini orang gemoek jang kaliatan moerah hati, koetika dapetliat keadaan roemahnja All ada miskin, soeda kaloearken bebrapa roepia dari kantongnja boeat Ali berobat, sedeng kawan-kawannja poen jang mempoenjai sedikit oewang, soeda menderma ketjil-ketjil, hingga di tangan iboenja Saneah ada dikoempoel oewang ampir doeapoeloe roepia.
Saneah jang tadi djato pangsan, sekarang sedeng
