— 40 —
Bebrapa doekoen soeda dipanggil, tetap Ali poenja lingloeng tida dioega bisa disemboehken. Selagi doedoek di itoe bangkoe, kadang-kadang matanja Ali mengawasi pada satoe tempat sampe lama, sasoedanja begitoe ia laloe tjari patjoel dan kaloe tida dapet itoe barang, ia goenaken kajoe potongan, gali itoe tanah jang tadi ia awasken, sedeng di moeloetnja sabentar-bentar berkata: “Betoel disini, betoel ini tempat, . .” Istrinja poenja pertanjain dengen maksoed apa Ali berkoeat begitoe, tida sekali disahoeti, koepingnja soeda seperti toeli dan moeloetnja bisoe boeat bitjara pada laen orang. Kadang-kadang djoega, selagi berbaring di bale pembaringan, matanja Ali mendelik-delik mengawasi pada satoe podjokan, dan sasoeda mengawasi begitoe saklan lamanja, ia laloe lompat melariken diri dengan toebroek segala apa, seperti djoega ia dioeber setan. Sembari lompat-lompatan begitoe, Ali bertreak-treak dengen seboet ada setannja NjiGrintil. Lantaran omongannja. Ali begitoe, istrinja djadi pertjaja bahoea salaennja kabentoer kareta api, Ali soeda tergoda djoega oleh setannja Nji Grintil, maka ia laloe panggil doekoen aken bikin sadekah dl koeboeran Nji Grintil. Itoe samoea tida menoeloeng, sampe tiga hari lamanja Ali selaloe mengatjo dengen seboet namanja Nji Grintil, Nii Marsina, toean Joesoef dan satoe waktoe ia soeda minta djoega
