— 41 —
orang ambilin badjoenja jang itoe malem ia pake pergi kaloear, tetapi badjoe itoe soeda ditjoetji sebab penoe darah, Badjoe ini Ali preksa beroelang-oelang, sebab katanja disitoe ia ada simpen soerat wasiat.
Hari keampat Ali moelai banjak bitjara, kalakoeannja adem seperti biasa sabelonnja ia dapet itoe loeka, ia tida lompat-lompat lagi, tida mengatjo dan katakoetan perkara setan atawa gali-gali tanah. Tetapi apa jang ia omongken, ada perkara-perkara jang membikin heran pada Saneah dan iboenja.
Pada soeatoe pagi Ali tjerita pada istrinja dan mertoeanja jang mendengeri dengen girang, sebab kira Ali soeda semboeh hetoel dari lingloengnja, ia kata, dari itoe kitab Arab ia soeda dapetken satoe soerat wasiat jang mengoendjoek tempatnja satoe harta jang terpendem, Malem-malem ia pergi ka itoe tempat dan soeda dapet gali itoe oewang f 50,000 jang terisi dalem satoe peti, tetapi selagi maoe bawa oewang itoe, Nji Grintil dateng reboet dan tangannja menampar sampe ia dapet itoe loeka di kapala. Saneah, begitoe poen iboenja, maski ada pertjaja perkara tachajoel dan kadang-kadang merasa serem djoega kaloe orang tjeritaken perkara setannja Niji Grintil, tetapi aken pertjaja tjeritanja Ali, itoelah ada perkara jang terlaloe tida bisa djadi. Setan sering menakoe in pada orang idoep, itoelah ia pertjaja, tetapi setan menampar sampe
