— 43 —
merasa sedih dan lebih sedih lagi istti ini memikirken dari mana ia bisa dapet oewang boeat onkost makan, sebab itoe dermaan dari orang banjak soeda abies digoenaken panggil doekoen dan sadekah, sedeng soeda ampir sapoeloeh hari All tida berkerdja soeatoe apa.
Loekanja Ali soeda ampir semboeh, demikian poen pikirannja moelai djadi betoel, tjoema kadang-kadang ia soeka tjeritaken ia poenja berangkat ka satoe tempat boeat gali itoe oewang f 50,900 dan begimana sasoedanja dapet itoe oewang ia ditampar oleh setannja Nii Grintil. Saban kali ia tjeritaken hal itoe, saban-saban djoega orang pertiaja bahoea otaknja Ali masi miring.
Djalannia hari ada amat lekas, sigra djoega sakitnja Ali soeda ampir satoe boelan. Saneah jang tida poenja akal aken tjari oewang, sedikit-sedikit soeda djoeal barang perabotan roemah tangganja sampe perabotan piting mangkok dan prioek nasi abis didjoeal. Sasoedanja abis akal, Saneah laloe ambil poetoesan berangkat ka Bogor aken menoempang tinggal di roema abangnja si All. Begitoelah samoea perabotan roemah-tangganja di djoeal, melinken itoe kitab Arab Ali tida maoe djoeal. Iaorang berangkat ka Bogor dan disana iaQrang menoempang sama abangnja si Ali jang satelah dapet liat keadaan adenja begitoe roepa, djadi merasa amat doeka.
