— 47 —
koetika dapet liat satoe peti item. Ia kaloearken peti itoe dengen tingka jang amat kapingin taoe dan boeka toetoepnja. Disitoe tida ada terisi apa-apa, salaennja bebrapa kantong kaen jang soeda toewa.
„Eeeh! eeeh!!” berseroe Ali dengen limboeng, „kaloe begitoe peti ini ada disini. Siapakah jang poenja ini roemah ? Ach! itoelah tentoe iang soeda rampas hartakoe.
Itoe boedjang prampoean liatken tingkanja Ali dengen bingoeng, ia tida mengarti apa jang Ali maksoedken dalem perkatainnja, tetapi waktoe denger madjikannja dikataken djadi perampas dari Ali poenja hasta, boedjang itoe sigra lari ka dapoer aken bri taoe pada njonja.
Satoe prampoean eilok jang berpakean perlente, dadah tertaboer dengen peniti brilliant, tangan dan dieridjinja penoeh dengen gelang dan tjintjin, dari dapoer mendatengin dengen lekas ka dalem roemah, dimana ia dapetken Ali sedeng lemparken antero isinja lemari dimana tadi ia dapetken itoe peti item. Sasoeda tida dapetken apa jang ia tjari, matanja jang beringas hampirken medja toelis jang tida djaoe dari tempat itoe. Samoea soerat-soerat Jang ada di latji ia kaloearken dan lemparken kalang-kaboet, sedeng moeloetnja ada mengatjo: „Mana goea poenja soerat wasiat....goea poenja soerat wasiat. Mana goea poenja
