— 48 —
harta 50,00. Goea nanti boenoe itoe bangsat. Mana itoe bangsat.”
Itoe prampoean ellok, satelah dapat liat moekanja Ali, djadi moendoer bebrapa tindak dengen terkedjoet sanget dan moekanja djadi poetjat seperti kertas poetih.
Prampoean itoe boekaniah laen dari Njai Marsina.
Bebrapa saat Marsina melinken bisa awasken sadja Ali adoek-adoek itoe lemari dan medja toelis dengen tida bisa kaloearken perkatadn, sampe kamoedian itoe boedjang prampoean tegor apa baek ia panggil opas. Marsina baroe mendoesin dari goegoepnja dan lantas titahken boedjang tadi pergi panggil opas.
Sedari tadi Ali tida mendoésin jang perboeatannja sedeng diawasken orang, tetapi koetika denger itoe boedjang bitijara, jantas djoega ia menengok dan dapet liat pada Njai Marsina.
„Goesti Allah, . . .” menjeboet Alidengen badan goemetar dan gigi berkretekan. „Kaloe....kaloe begitoe, sekarang akoe taoe siapa jang soeda rampas hartakoe. Ja, Allah, kaoe Njai Marsina, setan alas, kaoe soeda dateng di mesdjit roesak, menjaroe djadi setannja Njai Grintil? Masja allah, kaoe jang soeda hartawan masi maoe serakahken itoe harta jang moesti djadi bagiankoe?” Abis kata begitoe sebagi singa Ali toebroek korbannja. Marsina
