— 49 —
tjoba lolosken dirinja, tetapi badannja dapet dipeloek dan dengen tenaga keras ia dibanting oleh Ali di atas batoe, Ali terpental bebrapa tindak ka blakang lantaran tendangannja Marsina jang soeda tjelentang dengen bertreak-treak. Itoe tendangan soeda bikin All djadi lebih sengit, hingga ia toebroek Marsina dan tjekek lehernja. Marsina rasaken napasnja tida bisa berdjalan, pelahan-lahan tenaganja moelai abis dan matanja mendelik. Sakoenjoeng-koenjoeng pintoe dalem terboeka dengen keras dan Ali menengok dengen lekas.
Satoe lelaki moeda masoek mendatengin dari itoe pintoe aken toe‘oeng istrinja jang tertjinta, tetapi satelah liat Ali, ia moendoer dengen terkedjoet, hinggaia moesti toendjang badannja di medja toelis soepaja tida djato Jemas.
„Hai! hai!“ treak Ali dengen kalap. „Ini dia jang akoe tjari.... Mari sini bangsat! Akoe maoe kaoe poenja djiwa. .. .” Ali lepas korbannja jang prampoean dan sekarang oedak korbannja jang lelaki.
ltoe lelaki ada toean Joesoef.
Joesoef tjoba lolosken diri, tetapi di pertengahan roemah ia katjandak. Joesoef lompat kapinggir tembok dan djambret satoe anak-anakan tembaga, dengen apa ia maoe poekoel kapalanja Ali, tetapi Ali tjepet rampas itoe sendjata berat dan balik
HARTA
4
