— 50 —
limpahken di kapalanja Joesoef. Kaloe Joesoef tida kaboeroe kelit, nistjaja kapalanja soeda antjoer. Itoe anak-anakan tembaga tida djato di kapalanja Joesoef hanja menggenaken poendaknja sadja. Tetapi maski begitoe Joesoef soeda djadi sempojongan. Itoe koetika jang baek laloe digoenaken oleh Ali. Ia tjekel batang lehernja itoe korban dan tandelken di atas medja. Joesoef brontak-rontak dengen sakoeat tenaga, tetapi pertjoema. Moekanja djadi merah dan kamoedian moelai berobah djadi biroe. Doea minuut lagi tentoe Joesoefaken djadi mait, tetapi Allah masi lindoengken djiwanja, sebab djoestroe itoe waktoe jang tenaganja soeda moelai abis, dari pintoe depan laloe mendatengi tiga politie Boemipoetra. Ali lantas sadja ditangkep, tetapi ja melawan keras. Doea antaranja itoe orang politie djato tengkoeroep lantaran dipoekoel oleh itoe anak-anakan tembaga, tetapi jang satoe soeda beroentoeng bekoek doea-doea tangannja Ali ka blakang, hingga ia tida bisa berontak lagi. Dengen tambang itoe tangan diiket.
Itoe boedjang prampoean jang dapet liat njainja mengeletak dengen tida inget orang, boeroe-boeroe ambil aer dan siremken di moekanja Marsina, begitoepoen itoe orang politie jang dapet loeka di kapala, tetapi bisa bangoen komball dari tempat djatonja, lekas toeloeng Joesoef dari pangsannja. Doea orang ini achimja djadi baek kombali, mas-
