— 51 —
kipoen sampe bebrapa saat soemangetnia tinggal melajang.
Itoe politie laloe bikin tjatetan atas apa jang telah kadjadian dengen menoeroet tjeritanja itoe boedjang prampoean, dan achirnja dari Joesoef sendiri dan dijoega dari pengakoeannja Marsina. Ali tetep di toedoeh ada gila. Roepanja jang kalap, matanja jang beringas, kalakoeannja jang kalang-kaboet, dan selaloe tloba melariken diri, begitoe poen mendenger omongan-omongennja perkara itoe harta, bikin tetap pada itoe sangkahan bahoea betoel Ali soeda djadi edan. Teriring oleh itoe tiga opas, Ali laloe dibawa ka kantoor politie.
.......................................................................
Kita nanti dapet taoe apa jang aken kedjadian pada Ali lebih djaoe, tetapi sekarang biarlah kita toetoerken apa sebabnja Joesoef dan Marsina telah pinda ka Bogor.
Itoe pagi, jang pada malemnja terdjadi itoe perampasan harta di mesdjit roesak, kita liat Marsina doedoek di medja adepken kopi dan sediaken makanan pagi pada Joesoef, tetapi ia ini kaliatan lesoe, moeka poetjet dan pikiran bingoeng. Djam sapoeloe biasanja Joesoef soeda pergi dari itoe roemah, tetapi itoe hari ia tinggal doedoek dengen bengong sana- bengong sini, Ia rasa matanja amat mengantoek dan sigra masoek ka kamar dengen pengharepan bisa poeles, tetapi sampe
