— 52 —
djaoe lohor tida satoe saat jang ia bisa meremken matanja. Ia poenja antero pikiran tinggal teroes terpegang oleh itoe kadjadian samalem, dan apa jang nanti bisa kadjadian di kamoedian hari. Ia harep Ali tida mati, soepaja kadosahannija tida terlaloe berat, tetapi ia balik berpikir lagi, kaloe Ali idoep dan kamoedian dapet taoe siapa jang soeda poekoel padanja dan rampas itoe harta, nistjaia ia aken bikin pembalesan. Begitoelah Joesoef pikir pergi dateng serba sala dan rasa kwatirnja djadi bertamba-tamba. Achir-achir ia panggil baboe Min dan titahken ia pergi ka roemahnja Ali boeat tengok apa Ali dapet sakit atawakah istrinja jang sakit telah wafat. Min jang tida taoe soeatoe apa tentang itoe kadjadian di mesdjit roesak, laloe toeroet prenta toeannja dan berangkat ka roemahnja Ali. Ia sampe di itoe roemah goeboek dengen sedikit tida enak di hati, sebab dapet liat banjak orang masoek kaloear di itoe roemah. la sangka tentoe istrinja Ali meninggal doenia. Tetapi tatkala ia sampe di dalem roemah, lantas djoega ia dapet liat Ali jang kapalanja diboengkoes sedeng rebah dan moeloetnja ngatjo tida kadengeran teges. Sasoedanja menanja dan dapet katerangan bahoea loekanja Ali ada dari lantaran katoebroek kreta api di deket Gang Gardoe, lantas Min poelang dan wartaken itoe kabar pada toeannja. Joesoef merasa sedikit legah, itoe kabar bahoes Ali dapet loeka katoebroek
